O’zbekiston asalarichilari uyushmasi nodavlat notijorat jamoat tashkiloti bo’lib, O’zbekiston Respublikasi hududida joylashgan, asalarichilik sohasiga taalluqli va asalarichilik sohasi bilan shug’ullanuvchi sub`yektlarni ihtiyoriylik asosida birlashtiradi hamda uyushma a`zolarining hohishi, o’z-o’zini boshqarish, qonunchilik va oshkoralik asosida tuzilib, ish olib boradi.

     "O’zbekiston asalarichilari" uyushmasi O’zbekiston Respublikasi Prezidentining 2017 yil 16 oktabrda "Respublikamizda asalarichilik tarmog'ini yanada rivojlantirish chora-tadbirlari to'g'risiad"gi PQ-3327 sonli qaroriga asosan asalarichilik tarmog’ini boshqarish, tizimini tubdan takomillashtirish, tarmoqda naslchilik ishlarini ilmiy asosda tashkil  etish, asalarichilik xo’jaliklari faoliyati samaradorligini oshirish, asal mahsulotlari ishlab chiqarish hajmi va turlarini  yanada ko’paytirish, asalni qayta ishlash bo’yicha zamonaviy texnologiyalarni joriy  etish, sohaning  eksport salohiyatini oshirish, shuningdek, asalarichilik sohasidagi ilg’or tajribalarni Respublikamizning barcha hududlarida tatbiq  etish maqsadida tashkil  etilgan.