Asalarichilikka innovatsion texnologiyalar joriy etilmoqda. 21.10.2019 17:49
14 oktyabr kuni Samarqand Veterinariya meditsinasi institutida Asalarichilik sohasiga innovatsion texnologiyalarni joriy etish mavzusiga bag’ishlangan o'quv seminari bo'lib o'tdi. Seminarda Germaniyaning “LLC compani” MCHJ rahbari V.Koxx ishtirok etib, ishtirokchilarga “Asalarilarni sun'iy urug’lantirish” mavzusida ma'ruza o'qidi.
“LLC compani” asalarichilik bilan shug’ullanuvchi Germaniyadagi etakchi kompaniyalardan biridir. Bugungi kunda asalarilarni sun'iy urug’lantirish texnologiyasiga alohida e'tibor qaratilmoqda. Еvropada, shuningdek Germaniyada asalarilar 100 foiz sun'iy urchitiladi, ob-havo va iqlim o'zgarishlaridan qat'iy nazar bu texnologiya natijasida asal olish imkoniyati bir necha barobar ortadi yan'ni mahsuldorlik oshadi. Mamlakatimizda esa, ular tabiy yo'l bilan urug’lantirilgani bois mahsuldorlik ko'rsatkichlari ancha past ekanligi kuzatiladi.
O'zbukiston Respublikasi Prezidenti SH.Mirziyoevning 2017 yil 16 oktyabrdagi “Respublikamizda asalarichilik sohasini yanada rivojlantirish chora-tadbirlari to'g’risida”gi qaroriga binoan mamlakatimizda Asalarichilik uyushmalari tashkil etilib, Samarqand Veterinariya meditsinasi instutining Zooinjeneriya fakultetida shu yo'nalishdagi bo'lim tashkil etilgan edi. Bugungi kunda bo'limda 70 nafarga yaqin talabalar soha sirlarini o'rganishmoqda.
O'quv seminarida institut rektori, professor H.Yunusov, ilmiy ishlar bo'yicha prorektor, A.daminov, Viloyat asalarichilari uyushmasi raisi H.Rashidov hamda ta'lim muassasi sohaga oid professor-o'qituvchilar, talabalar va uyushma a'zolari ishtirok etishdi.
