“Rossiya asalarichilari ittifoqi” umumrossiya jamoat tashkiloti bilan hamkorlik shartnomasi imzolandi 05.12.2022 17:032022-yil 1-dekabr kuni Toshkent shahrida “Rossiya asalarichilari ittifoqi” umumrossiya jamoat tashkiloti raisi Kapunin Valeriy Pavlovich va O‘zbekiston asalarichilari uyushmasi raisi Baxriddinov Sharofiddin o‘rtasida hamkorlik shartnomasi imzolandi.
Mazkur shartnomaning predmeti Rossiya Federatsiyasi va O‘zbekiston Respublikasida asalarichilikni rivojlantirishga ko‘maklashuvchi qo‘shma ilmiy, texnologik, ta’lim va tijorat loyihalarini ishlab chiqish va amalga oshirish hisoblanadi.
Har ikki tomonning oʻzaro maqsadi Oʻzbekistondan Rossiya Federatsiyasiga naslli va kasalliklardan xoli erta asalari paketlari va ona arilar yetkazib berish sohasida hamkorlik qilishdan iborat.
Asalarichilar uchun asalarichilik sohasidagi yangi texnologiyalarni birgalikda ishlab chiqish va joriy etish, ekologik toza texnologiyalarni ishlab chiqish, Rossiya Federatsiyasi va O‘zbekiston Respublikasi uchun ekologik toza oziq-ovqat mahsulotlarini ishlab chiqarish, asal va boshqa asalarichilik mahsulotlari, asbob-uskunalar va veterinariya dori vositalarini o'zaro yetkazib berish, Rossiya Federatsiyasi mutaxassislari tomonidan O‘zbekistonda asalarichilarni kasbiy qayta tayyorlashga yordam berishdir.
Shuningdek, “Rossiya asalarichilar ittifoqi” umumrossiya jamoat tashkiloti raisi Kapunin Valeriy Pavlovich boshchiligidagi O‘zbekiston asalarichilar uyushmasi bilan hamkorlikda delegatsiya Samarqand, Farg‘ona va Namangan viloyatlarida bo‘ldi. Hududlarga tashrif davomida asalarichilik xo‘jaliklarida bo‘lib, O‘zbekistonning yirik asalarichilari bilan uchrashuvlar o‘tkazildi. Oʻtkazilgan uchrashuvlarda Oʻzbekistondan Rossiya Federatsiyasiga naslli va kasalliklardan xoli erta asalari paketlari va ona arilar yetkazib berish masalalari muhokama qilindi. Asalarilarning sifati va kasalliklariga alohida e’tibor qaratildi. Bundan tashqari, ikki davlat subyektlari o‘rtasida o‘zaro manfaatli hamkorlikni rivojlantirishga doir masalalar muhokama qilindi.
